नायिका संचिता लुइटेलको अभिनयसँगै उनको सुन्दरता र फिगरको चर्चा पनि खुबै गरिन्छ । ‘अप्सरा’ डेब्यू नायिका अहिले भने चलचित्रसँगै घरयासी जीवनमा बढी व्यस्त छिन् । उनले अभिनय गरेको चलचित्र ‘हजार जुनी सम्म’ साउनको अन्तिम साता रिलिज हुँदैछ ।
केही दिन अगाडि चलचित्रको कार्यक्रममा देखिएकी नायिका लुइटेलको फिगरको चर्चा खुबै भयो । केही समय अगाडि आफ्नो फिगर मेन्टेन गरेर चर्चामा रहेकी संचिता अहिले भने खुबै मोटाएकी छिन् ।
आखिर, उनले मेन्टेन गर्न नसकेर ज्यान मोटाएको हो या चलचित्रका लागि ? नायक निखिल उप्रेतीले निर्देशन गर्न लागेको चलचित्र ‘आयो भैरव’मा संचिताले काम गर्न लागेको चर्चा छ । यो चलचित्रको छायांकन केही महिनामा नै सुरु हुँदैछ । संचिताले भने यो प्रश्नको जवाफ दिन मानिनन् । उनले भनिन्–‘म केही समय पछि आफै जानकारी दिनेछु ।’
तर, लामो समयपछि निखिल र संचिता एकसाथ पर्दामा देखिन लागेको चर्चा भैरहेको छ । संचिताले भने तत्काल यो बिषयमा हल्ला नगर्न नचाहेको देखिन्छ ।
