१२ असोज, काठमाडौं । विगत ४२ वर्षदेखि काठमाडौंमा हुँदै आएको दुर्गा उत्सव कालिकास्थानस्थित अमृत भोग कम्प्लेक्समा हुने भएको छ ।
‘श्री श्री सार्वजनिन् दुर्गा पूजा समिति’ले आयोजना गर्दै आएको दुर्गा उत्सव अमृतभोग कम्प्लेक्समा असोज १७ देखि सुरू हुनेछ ।
उत्सवमा दुर्गा पूजा लगायत डान्डिया, गर्बा र धुनुची नाचका कार्यक्रमहरु पनि हुनेछन् ।
‘दुर्गा पूजाको उत्सवले हाम्रो परिवारमा छोरीको महत्वलाई झल्काउँछ’, पूजा समितिले भनेको छ, ‘पहिलेका वर्षहरुमा जस्तै यस वर्ष पनि अमृत भोगमा धेरै मानिसहरु दुर्गा पूजाको लागि आउनेछन् भन्ने हाम्रो विश्वास छ ।’
समितिले विस २०३५ देखि दुर्गा उत्सव आयोजना गर्दै आएको छ। गतवर्ष पूजामा ५० हजार भन्दा धेरैको सहभागि भएका थिए ।
