२२ कात्तिक, गुल्मी । गुल्मीमा जिपको ठक्करबाट शुक्रबार एक जना वृद्धको मृत्यु भएको छ । जिल्लाको धुर्कोट गाउँपालिका वडा नम्बर-२ पिपलधारामा लु १ ज १७१२को जिपको ठक्करबाट सोही ठाउँका ७३ वर्षीय कृष्ण घर्तीको मृत्यु भएको जिल्ला प्रहरी कार्यालय गुल्मीका प्रहरी निरीक्षक राजकुमार रावलले बताए ।
ब्याक गर्नेक्रममा घर्तीलाई जिपले ठक्कर दिएको थियो । जिपको ठक्करबाट घाइते भएका घर्तीको उपचारको क्रममा गुल्मी अस्पतालमा मृत्यु भएको प्रहरीले जनाएको छ ।
प्रहरीले ठक्कर दिने जिप र चालकलाई नियन्त्रणमा लिएर थप अनुसन्धान गरिरहेको रावलले बताए ।
