२५ कात्तिक, काठमाडौं । गभर्नर डा. चिरञ्जीवी नेपालले सञ्चालकले व्यक्तिगत रुपमा नाफा आर्जन गर्न कतिपय वित्तीय संस्थामा समस्या देखिएको बताएका छन् ।
सोमबार समृद्धि फाइनान्स कम्पनीको उद्घाटन गर्दै उनले धेरै सञ्चालकले बैंक तथा वित्तीय संस्थालाई बिजनेसको रुपमा लिने गरेको टिप्पणी गरे । ‘बैंक वित्तीय संस्था भनेको पव्लिक हो, प्राइभेट हुदै होइन’ गभर्नर नेपालले भने, धेरै नाफा कमाउनु छ भने अन्तै विजनेस गर्नुस् ।’
बैंक तथा वित्तीय संस्थाहरु पब्लिक कम्पनी भएका कारण संस्थाले नागरिकको विश्वास जितेर काम गर्नुपर्ने उनले बताए । बैंकिङ क्षेत्रमा प्रविधि अहिले मुख्य चुनौती देखिएकाले त्यसमा लगानी बढाउन गभर्नर नेपालले सुझाव दिए ।
वर्ल्ड मर्चेन्ट एण्ड बैंकिङको नाममा २०५७ सालमै कारोबार गरेको यस संस्था बीचमा समस्याग्रस्त घोषित भएको थियो । फाइनान्सले कार्तिक २५ गते सोमबारदेखि नयाँ नामबाट नयाँ कार्यसमितिसहित समृद्धि फाइनान्सकोे नामबाट कारोबार सुरु गरेको छ । संस्थाको प्रमुख कार्यकारी अधिकृतमा पुष्पप्रसाद श्रेष्ठ रहेका छन् ।
नयाँ नामबाट कारोबार शुरु गरेसँगै कम्पनीले कर्जा तथा लगानीका विभिन्न स्कीम सार्वजनिक गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया 4