काठमाडौं । इन्दौर टेष्टमा भारतले बंगलादेशमाथि एक इनिङ र १३० रनको जित हात पारेको छ ।
भारतले शनिबार विहान थप एक बल समेत नखेली पारी समाप्तीको घोषणा गरेपछि भ्रमणकारी टोली ३४४ रनले पछि परेको थियो । तर बंगलादेश दोस्रो पारीमा २१३ रनमा अलआउट भयो ।
मुस्फिकर रहिमले सर्वाधिक ६४ रन बनाए । बंगलादेशलाई सस्तैमा समेट्ने क्रममा भारतका मोहम्मद सामीले ४ विकेट लिए भने आर अश्विनले ३, उमेश यादवले २ र इशान्त शर्माले एक विकेट लिए ।
यसअघि बंगलादेश १५० रनमा अलआउट भएको थियो भने मयांक अग्रवालको दोहोरो शतकसँगै भारतले ६ विकेटको क्षतिमा ४९३ रन बनाएको थियो ।