Comments Add Comment

रुरु क्षेत्र-६ को वडाध्यक्ष उपनिर्वाचन : ७० प्रतिशत मत खस्यो

१४ मंसिर, गुल्मी । गुल्मीको रुरु क्षेत्र गाउँपालिका वडा नम्बर ६ को वडाध्यक्ष पदका लागि जारी मतदानमा अहिलेसम्म ७० प्रतिशत मत खसेको छ । कुल २ हजार ४८ मतदाता मध्ये दिउँसो अपरान्न ४ बजेसम्म १४ सय ७३ मत खसेको जिल्ला निर्वाचन कार्यालय गुल्मीले जनाएको छ ।

रुरु क्षेत्र गाउँपालिका ६ रिमुवामा ०७४ साल असारमा भएको स्थानीय तहको निर्वाचनमा तत्कालीन नेकपा एमालेवाट निर्वाचित वडा अध्यक्ष पूर्ण बहादुर रेगामीको निधन भएपछि उपनिर्वाचन भएको हो । वडा अध्यक्ष पदका लागि ३ जना उम्मेदवार चुनावी मैदानमा छन् ।

निर्वाचनमा नेकपा र नेपाली कांग्रेस र १ जना स्वतन्त्र उम्मेदवार रहेको मुख्य निर्वाचन कार्यालयले जनाएको छ । सत्तारुढ नेपाल कम्युनिष्ट पार्टी (नेकपा) ले गिरिप्रसाद सिंजाली र नेपाली काँग्रेसबाट बेदप्रसाद दर्लामी चुनावी मैदानमा छन् ।

त्यस्तै सोही वडाको वडा अध्यक्ष पदका लागि मनबहादुर दर्लामीले स्वतन्त्र उम्मेदर रहेका छन् । अध्यक्ष पदका लागि बिहानै देखि मतदाताले मतदान गरिरहेका छन् । निर्वाचनको लागि १ मतदान केन्द्र र २ स्थल तोकिएको मुख्य निर्वाचनको कार्यालय गुल्मीले जनाएको छ ।

जसको लागि २ जना मतदान अधिकृत, ४ जना सहायक मतदान अधिकृत ८ स्वयमसेवक, २ जना सहयोगी गरि १६ जना कर्मचारी बिहिवाट मतदान स्थलमा खटिएका छन् । मतदानको लागि बिहान ७ बजेबाट बेलुकी ५ बजेसम्म मतदान गर्न पाउने छन् ।

मतदान पश्चात मतपेटीका मुख्य निर्वाचन अधिकृतको कार्यालय रुरुक्षेत्र गाउँपालिकाको बलेटक्सारमा संकल गरेर शनिबार बेलुकीबाटै मतगणना हुने जिल्ला निर्वाचन कार्यालय गुल्मीले जनाएको छ । निर्वाचनको सुरक्षा व्यवस्था कडा पारिएको छ ।

प्रमुख जिल्ला अधिकारी कोशहरि निरौलाको अनुसार मतदान स्थलको सुरक्षा को लागि नेपाल प्रहरी, शसस्त्र र नेपाली सेना खटिएका छन् ।  निर्वाचनको लागि वडा भित्र  पुग्ने ४ स्थानका नाका शुक्रवार रातिबाट बन्द गरिएको थियो ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment