१८ मंसिर, विराटनगर । सात हजार रूपैयाँ घुससहित विराटनगरबाट प्रहरी सहायक निरीक्षक (असई) श्यामकुमार दाहाल पक्राउ परेका छन् ।
अख्तियार दुरुपयोग अनुसन्धान आयाेग क्षेत्रीय कार्यालय इटहरीको टोलीले असई दाहाललाई बुधबार साँझ विराटनगरस्थित घाँस चौकबाट पक्राउ गरेको हो ।
विराटनगरकाे गुद्री बजारमा आउने व्यापारीलाई तरकारी चेकजाँच नगर्ने भन्दै सातहजार घुस लिने क्रममा मोरङ प्रहरीको सिआरभी टाेली इन्चार्ज समेत रहेका दाहाल रंगेहात पक्राउ परेका हुन् ।
