१९ मंसिर, काठमाडौं । नवलपरासी(पूर्व) को गैंडाकोटमा ट्रकले स्कुटरलाई ठक्कर दिँदा स्कुटर चालकको मृत्यु भएको छ ।
मृत्यु हुनेमा चितवनको भरतपुर महानगरपालिका-१० बस्ने २६ वर्षीय बीरेन्द्र गिरी रहेका छन् ।
गैंडाकोट नगरपालिका-२ नमस्ते चोकस्थित सडकमा ना.६ प ८०५८ नम्बरको ट्रकले ना.३१ प २६१८ नम्बरको स्कुटरलाई बिहीबार बिहान ठक्कर दिँदा गिरी गम्भीर घाइते भएका थिए ।
घाइते गिरीको नयाँ मेडिकल कलेज भरतपुरमा उपचारको क्रममा मृत्यु भएको प्रहरीले जनाएको छ । दुर्घटनामा स्कुटरमा सवार नवलपरासी गैंडाकोट नगरपालिका-४ बस्ने २१ वर्षीय आकाश सिंजाली घाइते भएका छन् । उनको सोही अस्पतालमा उपचार भइरहेको र दुवै सवारी साधन तथा ट्रक चालकलाई नियन्त्रणमा लिएको प्रहरीले जनाएको छ ।
