सन् २००५ मा नयाँ दिल्लीको सडकमा एसिड आक्रामणमा परेकी माल्ती नाम गरेकी एक यूवतीको कथामा तयार भएको चलचित्र ‘छपाक’को ट्रेलर सार्वजनिक भएको छ । चलचित्रमा माल्तीको भूमिकामा नायिका दीपिका पादुकोणले अभिनय गरेकी छिन् । दीपिकालाई एसिड आक्रामणमा परेकी यूवतीको भूमिकामा देखाइएको छ ।
मेग्ना गुल्जारको निर्देशनमा तयार भएको यो चलचित्रलाई फक्स स्टार स्टूडियो, दीपिका पादुकोण, गोविन्द सिंह सन्धु र मेग्ना गुल्जारले निर्माण गरेका हुन् । अतिका चोहान र मेग्ना गुल्जारको लेखनमा तयार भएको यो चलचित्र सन् २०२० को जनवरी १० मा रिलिज हुँदैछ ।
भारतमा मात्र नभएर अहिले नेपालमा पनि एसिड आक्रमणको घटना बढेको छ । चलचित्रले समाजमा सचेतना बढाउने अपेक्षा गरिएको छ ।