२०७६ पुष ४ गते १४:०३ 
४ पुस, काठमाडौं । पोखरा प्रिमियर लिग (पीपीएल) क्रिकेटमा पोखरा पल्टनले लगातार तेस्रो हार व्यहारेको छ । यससँगै उसको अघिल्लो चरण प्रवेश कठिन भएको छ ।
शुक्रबार भएको खेलमा बुटबल ब्लास्टरले पोखरालाई ८ विकेटले हराएको हो ।
पोखराले दिएको १२२ रनको लक्ष्य बुटबलले मात्र १४ ओभरमा २ विकेट गुमाएर भेट्टायो ।
उसको सुरुआत राम्रो रहृयो । विस्फोटक ब्याटिङ गरेका अफ्ताबुद्दिन अहमदले शंकर रानाले पहिलो जिकेटका लागि ८७ रनको साझेदारी गरे । राना १९ रनमा आउट भए । दोस्रो विकेटका रुपमा आउट भएका अहमदले ७५ रन बनाए । ४६ बलको सामना गरेका उनले १२ चौका र दुई छक्का हाने ।
भीम सार्की १६ र हर्ष टोंक ६ रनमा अविजित रहे ।
यसअघि टस हारेर पहिले ब्याटिङ गरेको पोखराले २० ओभरमा ५ विकेट गुमाएर १२१ रन बनाएको थियो । उसका लागि रविइन्दर सिंहले ४५ रन बनाए ।
प्रतिक्रिया 4