६ पुस, काठमाडौं । आइतबार साँझ ललितपुरको पाटन दरबार स्क्वायरमा एउटा ‘चन्द्रमा’ देखियो । दरबार स्क्वायरको चार नारायणको मन्दिर अगाडि राखिएको कलात्मक चन्द्रमा हेर्ने र फोटो खिच्नेहरुको ताँती लाग्यो ।
यो चन्द्रमा धरानका मिलन राईले बनाएर प्रदर्शामा राखेका हुन् । उनले आफूले विश्वबन्धुत्वको भावनाले यो काम गरेको बताए । ‘चन्द्रमा राख्दा सबै मान्छे हेर्न आए, यसको सुन्दरताले सबैलाई आकर्षित गरोस् भनेर राखेको हुँ’ उनले भने ।
उनले यसलाई पोखरामा पनि प्रदर्शन गर्ने इच्छा भएको बताए ।