२१ पुस, काठमाडौं । शहीद स्मारक ए डिभिजन लिग अन्तर्गत सोमबार जाउलाखेल युथ क्लब र एनआरटीले गोलरहित बराबरी खेलेका छन् ।
२६ औं मिनेटमा जाउलाखेलका सुजित बुढाथोकीको पासमा एडामा डाउम्बाको हेडर पोस्ट नजिकैबाट बाहिरियो ।
पहिलो हाफको ईन्जुरी समयमा जाउलाखेलले गोलको अवसर पाए पनि सदुपयोग गर्न सकेन । फोडे फोफानाको पासमा कुबेर विष्टको हेड बल पोष्टमाथिबाट बाहिरियो ।
७४ औं मिनेटमा एनआरटीका कप्तान प्रकाश बुढाथोकीले प्रहार गरेको फ्रिकिक जाउलाखेलका गोलकिपर टेकेन्द्र थापाले बचाए ।
जारी लिगमा जाउलाखेलको यो दोस्रो बराबरी हो । बराबरीपछि जावलाखेलले ५ खेलबाट ९ अंक जोडेको छ ।
