२७ पुस, काठमाडौं । अल्ट्रा धाविका मीरा राईको नाममा सञ्चालित मीरा राई इनिसिएटिभले काठमाडौंको चम्पादेवी क्षेत्रमा बाटो सरसफाइ गरेको छ ।
हात्तीवनदेखि चम्पादेवीसम्मको बाटो वरपरका फोहोर उठाएर सरसफाइ गरिएको छ । फोहोर उठाउने स्वयंसेवक र खेलाडीहरुले कुहिने र नकुहिने फोहोर छुट्याएर संकलन गरेका छन् ।
फोहोर उठाउने काममा दक्षिणकाली नगरपालिकाले पनि सहयोग गरेको छ । नेपाल भ्रमण वर्षको अवसर पारेर चम्पादेवी ट्रेलको सरसफाइ तथा जागरुक अभियान सञ्चालन गरेको मीरा राई इनिसिएटिभले जनाएको छ ।
फोहोर संकलनपछि यो बाटोको ठाउँठाउँमा डस्टविन राखिएको छ ।