२७ पुस, काठमाडौं । इलाका प्रहरी कार्यालय ढल्केवरका प्रहरी निरीक्षक रामकुमार यादव जिल्ला तानिएका छन् । यादवलाई जिल्ला प्रहरी कार्यालय धनुषामा तानिएको हो ।
हालसम्म ढल्केवरमा नयाँ प्रहरी निरीक्षक पठाइएको छैन । जिल्ला प्रहरी कार्यालय स्रोतका अनुसार दिलिप महतो हत्या प्रकरणको गम्भीरतालाई मनन् गरेर यादवलाई जिल्ला तानिएको हो ।
प्रदेश नं. २ का प्रहरी प्रमुख डीआईजी प्रद्युम्न कार्कीले यादवको नियमित सरुवा भएको दाबी गरे । पीडित परिवारले यादव क्रसर व्यावसायीसँग मिलेको आरोप लगाएका थिए ।
धनुषाको मिथिला–५ स्थित औरही खोलामा जथाभावी तरिकाले नदी उत्खनन् गरी बालुवा, गिट्टी झिकिएको विषयलाई रोक्न रोक्दा शुक्रबार महताको हत्या भएको थियो ।
प्रहरीको प्रारम्भिक अनुसन्धानले रडले घोचेर खोलामा सुताएपछि महतोलाई टिपरले किचेर मारिएको देखाएको छ ।
यो पनि पढ्नुहोस दिलीप हत्या प्रकरण : क्रसर उद्योगी पक्राउ, परिवारले बुझे शव यो पनि पढ्नुहोस दिलिप हत्या प्रकरण : फलामको रडले घोचेर खोलामा सुताइयो अनि टिपरले किचियो यो पनि पढ्नुहोस ‘मनमनै साँचेको त्यो खुशी क्षणभरमै खरानी भयो’ यो पनि पढ्नुहोस दिलिप हत्या प्रकरण : क्रसर व्यवसायी विपिन महतो पक्राउ