२८ पुस, काठमाडौं । झापामा प्रहरी हौं भन्दै नगद असुली गर्ने दुई जना पक्राउ परेका छन् ।
बाह्रदर्शी गाउँपालिका-३ राजगढ बजारमा स्थानीय व्यापारीसँग रकम असुल्ने गौरीगञ्ज गाउँपालिका-१ का २८ वर्षीय पर्शुराम महतो र वडानम्बर ३ का २० वर्षीय जीवन दासलाई प्रहरीले पक्राउ गरेको हो ।
उनीहरुले प्रदेश प्रहरी कार्यालय विराटनगरका सीआईबी प्रहरी हौं भनी ७ हजार रुपैयाँ असुली गरिरहेको अवस्थामा इलाका प्रहरी कार्यालय राजगढको टोलीले पक्राउ गरेको हो ।
थप अनुसन्धान भइरहेको प्रहरीले जनाएको छ ।
