फेस मिस्टको चलन केही वर्षअघि देखि प्रारम्भ भएको हो । महिलाहरुले मेकअप गर्नु भन्दअघि छालालाई तयार गर्नका लागि क्लिन्जर र मोइस्चराइजरपछि मिस्टको प्रयोग गर्नु अति नै उपयोगी हुन्छ ।
वास्तवमा यसलाई प्रि -प्राइमर पनि भर्न सकिन्छ । किनभने यसले छालाको हाइड्रेसनलाई बढाएर त्यसलाई भित्रबाटै चम्किलो बनाउँछ । मेकअप गर्नु अगाडि फेस मिस्टको प्रयोग गर्दा मेकअप लामो समयसम्म सुन्दर र टिकाउ हुन्छ । यसलाई बढि प्राकृतिक र हर्बल प्रोडक्टले बनाइने भएकाले छालामा यसको प्रभाव पनि प्राकृतिक नै हुन्छ ।
सौन्दर्य विशेषज्ञहरुका अनुसार ब्यूटी इन्डस्ट्रीले पछिल्लो केही समयदेखि धेरै उन्नति गरेको छ र नयाँ-नयाँ उत्पादनहरुलाई महिलाहरुबीच परिचित पनि गराएको छ ।
यही क्रममा मिस्टको पनि प्रचलन पनि बढि हुन थालेको छ । वास्तवमा मिस्ट एक प्रकारको स्किन टि्रटमेन्ट हो, जसले छालालाई पोषण, सुन्दरता र मजबुती प्रदान गर्छ । किनभने आजका महिलाहरुले तनाव, प्रदुषण, अनियमित खानपान आदि विभिन्न समस्याहरुको सामना गर्नु पर्छ, जसको प्रभाव उनीहरुको छालामा सबैभन्दा पहिला देखिन थाल्छ ।
त्यस्तो स्थितिमा मिस्टको प्रयोग गरेर छालालाई केही हदसम्म बचाउन सकिन्छ । यसको प्रयोग गर्दा विभिन्न फाइदाहरु पनि पाउन सकिन्छ ।
मेकअप भन्दा पहिला फेस मिस्ट लगाउनाले ब्यूटी प्रोडक्ट सजिलै छालामा मिल्छ, जसले छिट्टै सुन्दर देखाउने, ताजा र आकर्षक देखिन्छ । यो हरेक किसिमको छालाका लागि उपयोगी हुन्छ ।
यदि अफिसबाटै कतै बाहिर पार्टीमा जानु पर्यो भने यसको स्प्रेले टचअप सजिलै हुन्छ । स्प्रे गरेपछि औंलाको टुप्पोले यसलाई सबैतिर मिलाउनु पर्छ । यसो गर्दा तपाईंको थकान कम हुन्छ र त्यसको असर तपाईंको अनुहारमा पनि देखिन्छ ।
यसलाई दिनको कुनै पनि समयमा लगाउन अथवा स्प्रे गर्न सकिन्छ, यसले सजिलै परफेक्ट लुक दिन्छ ।
यसले दिउँसो पनि रफ स्किनलाई ताजा बनाउन सक्छ, किनभने लामो समयसम्म एयर कन्डिसनरमा काम गर्दा अथवा घाममा बढि समयसम्म बस्नाले छालाको नरमपना कम हुन्छ । त्यस्तो स्थितिमा फेस मिस्टले छालाको नरमपनालाई यथावत राख्न सहयोग पुर्याउँछ ।
जुन महिलाहरुले धेरै मेकअप गर्छन्, उनीहरुका छाला सुख्खा हुन्छ । त्यस्ता छाला भएका महिलाहरुलाई फेस मिस्ट अति नै फाइदाजनक छ ।
यसले मोइस्चराइजरपछि हाइड्रेसनको एक्स्ट्रा लेयर बनाएर उत्कृष्ट टोनरको काम गर्छ ।
यसले छालालाई पूर्ण रुपमा प्राकृतिक देखाउँछ । जसका कारण यसलाई लगाउन कसैले पनि सोच्नु पर्ने आवश्यकता छैन अर्थात हरेक प्रकारको छालाका लागि फेम मिस्ट उपयुक्त छ ।
टी ट्री फेस मिस्टमा एन्टि-माइक्रोबायल समावेश हुन्छ । यसले छालाको शुद्धिकरण गर्छ । जसका कारण मानिसहरुले पसिना र चिपचिपाहबाट राहत प्राप्त गर्छन् । यसको प्रयोगले अनुहार चम्किलो हुन्छ र चाउरीपन पनि कम हुन्छ, जसका कारण उमेर भैसकेर पनि जवान देखिन्छ ।
मिस्टको प्रयोग महिलाहरुले मात्र होइन पूरुषहरुले पनि गर्न सक्छन् । यो पूर्ण रुपमा स्किन केयर प्रोडक्ट हो ।
