२२ माघ, काठमाडौं । आईसीसी क्रिकेट वर्ल्डकप लिग टू अन्तरगत त्रिकोणात्मक सिरिजको पहिलो खेलमा बुधबार नेपालले ओमानविरुद्ध खेलेको छ । १ सय ९८ रनको लक्ष्य पाएको नेपालले जवाफी ब्याटिङ गर्दा सुरुवातमै महत्वपूर्ण दुई विकेट गुमाएको थियो ।
त्रिवि क्रिकेट मैदान कीर्तिपुरमा नेपालले कप्तान ज्ञानेन्द्र मल्ललाई ३ र पूर्वकप्तान पारस खड्कालाई १ रनमै गुमाएको थियो । टस हारेर ब्याटिङको निम्ता पाएको ओमानले निर्धारित ५० ओभरमा ९ विकेट गुमाएर १९७ रन बनाएको थियो ।
जवाफी ब्याटिङ गरेको नेपालले ३४ ओभरसम्मको खेल सकिँदा ६ विकेट गुमाएर १२१ रन बनाएको छ ।
हेर्नुस् ओमानविरुद्ध नेपालको ब्याटिङको केही तस्वीर
