मानिसको सोचाई आआफ्नै किसिमको हुने गर्छ । कोही मानिसहरु एक्लो जीवनलाई नै उत्कृष्ट मानेर त्यसैमा प्रतिबद्ध हुने गर्छन् भने कोही परिवारमा जोडिएर जीवन बिताउन चाहन्छन् । सम्बन्धलाई अघि बढाउनको लागि पूरा गर्नुपर्ने प्रक्रियाहरुका कारण आफ्नो लक्ष्यमा समस्या सिर्जना हुनसक्ने भएकोले पनि कतिपयले धेरैसँग सम्बन्ध जोड्न चाहिरहेका हुँदैनन् ।

एक्लो जीवनका पनि केही फाइदाहरु हुन्छन् । त्यसैले यसमा धेरै मानिसहरुको ध्यान जाने गरेको पाइन्छ । तर, यी विषयहरु आफैंमा व्यक्तिगत चाहानासँग सम्बन्धित हुने गर्छ । त्यसैले एक्लो जीवन राम्रो कि पारिवारिक जीवन ? भन्ने विषय व्यक्तिगत सोचाईमा केन्द्रित हुने कुरा हो । तर, हरेक क्रियामा सकारात्मक र नकारात्मक प्रतिक्रियाहरु हुन्छ भने झैं एक्लो जीवनको पनि केही सकारात्मक पक्षहरु पाइन्छन् । तीमध्ये केही तल उल्लेख गरिएको छ ।

एक्लो जीवनको फाइदाको बारेमा सोच्नु

अविवाहित वा एक्लो हुनुको आफैंमा फाइदा पनि धेरै छ । खराब सम्बन्धको कारण हुने स्वास्थ्य समस्याबाट बच्न चाहनेहरुको लागि यही नै एउटा सहज उपाय हो । केही अध्ययनहरूले देखाएको छ कि खराब सम्बन्धले वास्तवमा हाम्रो शारीरिक स्थितिलाई कमजोर बनाउँछ । तर, एकल व्यक्ति प्रायः स्वस्थ हुने गर्छ । अविवाहित मानिसहरु प्रायः जिम जान्छन्, खानामा खासै ध्यान दिँदैनन् र तनावको स्तर कम हुन्छ ।

एकल मानिस विवाह भएको मानिसको तुलनामा दुब्लो र फिट हुन्छ । एक अध्ययनका अनुसार सम्बन्ध सुरु भएपछि उनीहरुको तौल ७ किलो वा त्यो भन्दा धेरै बढ्ने गरेको पाइन्छ । अविवाहित व्यक्तिहरू विवाहित व्यक्तिको तुलनामा धेरै निदाउने गर्छन् । एकल महिलाको मानसिक स्वास्थ्य विवाहित महिलाहरुकोभन्दा राम्रो हुने पनि अध्ययनले देखाएको छ ।

जब तपाईंं सम्बन्धमा हुनुहुन्छ भने तपाईंंले आफ्नो साथीको आवश्यकता र चाहनालाई बेवास्ता गर्न सक्नुहुन्न । कहिलेकाहीँ, तपाईंले आफ्नो जीवनसाथीको खुशीको लागि यस्तो काम पनि गर्नुपर्छ । जुन तपाईंंलाई कहिलै गर्न मन लागिरहेको हुँदैन । तर, जब तपाईंं अविवाहित हुनुहुन्छ, तब तपाईंं आफ्नो दिमाग अनुसार तपाईंंको समय खर्च गर्न सक्नुहुन्छ । तपाईंं कसैसँग पनि झुक्नु पर्दैन । यसको मतलब यो हो कि तपाईं आफ्नो व्यक्तिगत चासो, व्यक्तित्व विकास र आफ्नो भलाईको लागि बढी समय खर्च गर्न सक्नुहुन्छ ।

जब मानिसहरु अविवाहित हुन्छन् । त्यतिबेलासम्म यो स्वतन्त्रताको भरपुर आनन्द लिन सकिन्छ । आफ्नो शोखमा धेरै समय खर्च गर्नु विभिन्न रचनात्मक काममा लाग्नु जस्ता कामहरुको लागि व्यक्ति स्वतन्त्र हुन्छ । विवाह भएपछि यी सबै स्वतन्त्रता गुम्छ भन्ने चाहिँ होइन । तर, अविवाहित हुँदाको जस्तो मनमौजी जीवन विवाह पछि हुँदैन भन्न भने सकिन्छ ।

एक्लो जीवन आफैंमा जति स्वतन्त्र छ । त्यति नै अस्तव्यस्त पनि हुन्छ । यो समयमा धेरै समय आफ्नो लक्ष्य पूरा गर्नको लागि खर्च गर्न सकिन्छ । त्यसैले अविवाहित व्यक्तिहरु विवाहित व्यक्तिको तुलनामा एक चित्त भएर काममा ध्यान दिने गर्छन् । त्यसैले आफ्नै अनुसार समय व्यतित गर्नको लागि एक्लो जीवन नै धेरै सहज हुन्छ ।

निस्फिक्री खर्च

जब तपाईंं एक सम्बन्धमा हुनुहुन्छ । तपाईंंले सम्भाव्य जीवनसाथी (पति र पत्नी) को सामना गर्नुपर्ने हुन्छ । जसले आफ्नो पैसाको साथ जिम्मेवारीपूर्ण व्यवहार गर्नुपर्ने आवश्यकता हुन्छ । यस कारणले गर्दा, वित्तीय समस्याहरु विवाहित मानिसको अघि धेरै आउने गर्छ । तर, जब तपाईंं अविवाहित हुनुहुन्छ । तपाईंंले आफ्नो पैसा अरू कसैले खर्च गरेको र आफ्नो बचत गर्ने बानीको बारेमा धेरै चिन्ता लिनुपर्दैन । तपाईंंले कमाएको पैसा तपाईंंको इच्छा अनुसार खर्च गर्न सक्नुहुन्छ ।

जब तपाईंं एक सम्बन्धमा हुनुहुन्छ तब तपाईंंको साथीसँगै धेरैजसो समय र प्रेम लुट्पुटिएर बित्छ । यस्तो अवस्थामा साथीहरूसँगको सम्बन्ध कायम राख्न र नयाँ साथीहरू बनाउन समय कम मिल्ने हुन्छ । तर, जब तपाईंं अविवाहित हुनुहुन्छ भने यसको लागि धेरै समय मिल्ने गर्छ । बाहिर जानु, नयाँ व्यक्तिलाई भेट्नु र नयाँ सम्बन्ध कायम राख्नु एकल जीवनको फाइदाजनक पक्ष हो । जब तपाईंं एक्लो हुनुमा दुःखी हुनुहुन्छ भने आफैंलाई यस विषयमा सम्झाउनुपर्छ । ती सम्बन्धहरूमा कडा परिश्रम गर्नुपर्छ ।

मन लागे अनुसारको सम्बन्ध जोड्न सकिन्छ

एक्लो हुनुको फाइदा भनेको नै मन लागे अनुसारको समय व्यतित गर्न पाउने र नयाँ नयाँ सम्बन्धहरु स्थापित गर्न सकिन्छ । एक्लो व्यक्ति जब उदास हुन्छ । त्यसपछि ऊ आफैंमा रोमान्टिक सम्बन्धको खोजीमा हुन्छ ।

एक्लो रहनु सबैको नियन्त्रणको कुरा हुँदैन । केही व्यक्ति त्यतिबेला केही गर्न सक्षम हुन्छन् जब तिनीहरूसँग एक व्यक्तिको माया र समर्थनको पर्याप्त हुन्छ । तर, केही मानिसहरु एक्लै पनि प्रगतिको बाटोमा लाग्ने स्वभावका हुन्छन् । प्रतिबद्ध सम्बन्ध निर्माण गर्न इच्छुक व्यक्तिहरूले विभिन्न माध्यमबाट आफ्ना साथीहरुको खोजी गर्न सकिन्छ ।