४ फागुन, काठमाडौं । सिंहदरबारभित्र हाल संघीय संसदको नयाँ भवन धमाधम निर्माण भइरहेको छ ।
सभामुख अग्निप्रसाद सापकोटाले आइतबार सिंहदरबारमा निर्माणाधीन संघीय संसद भवनको अनुगमन र निरीक्षण गरेका छन् ।
त्यस क्रममा उनले आयोजना निर्माण पक्षलाई समयमै भवन निर्माण सक्न र गुणस्तरीयतामा ध्यान दिन निर्देशन दिएका उनको सचिवालयले जनाएको छ ।
सभामुखसँगको निरीक्षण टोलीमा संसद सचिवालयका कर्मचारीहरु र भवन निर्माण विभागका पदाधिकारीहरु संलग्न थिए ।
३ वर्षमा निर्माण सम्पन्न गर्ने लक्ष्यकासाथ संघीय संसद भवन निर्माण कार्य भइरहेको छ ।
हाल संघीय संसदको दुबै सदन प्रतिनिधिसभा र राष्ट्रियसभा भवन अभावका कारण नयाँबानेश्वरस्थित अन्तर्राष्ट्रिय सम्मेलन केन्द्रमा भाडामा सञ्चालन भइरहेको छ ।
यो पनि पढ्नुहोस
सिंहदरबारभित्रै यस्तो बन्दैछ आधुनिक संसद भवन
हेर्नुहोस् तस्वीरहरु
