२३ फागुन, काठमाडौं । होटल एम्बेसडरले तेस्रो पुःनरागमन तथा ४२औं स्थापना दिवश मनाएको छ ।
काठमाडौको लैनचौरमा रहेको होटल एम्बेसडर सेवा उद्योगको प्रतिष्ठित नाम एसीई होटल्सद्धारा संचालित चारतारे सुविधा सम्पन्न बुटिक होटल हो । यसले आफ्ना पाहुनालाई राम्रो वातावरण र सम्पूर्ण शहरी सुविधा उपलब्ध गराउंदै आएको छ ।
होटलमा विभिन्न दर र सुविधा भएका ७२ कोठा, दुई उपहार पसल, एक सभा हल, दुई मिटिङ हल र लामरी बेकरी पसल छ । होटलले संचालन गर्ने कोतेत्सु रेष्टुरेन्ट जापानीज खान मन पराउने माझ लोकप्रिय छ ।
त्यक्ति मात्रै होइन होटलले आफ्ना पाहुनालाई काठमाडौको बसाईमा स्वास्थ्य अझ सबल बनिरहोस भनेर योगा तथा मुटु सुरक्षा बारे सचेतना कक्षा समेत संचालन गर्ने गरेको छ ।