२८ फागुन, काठमाडौं । विराटनगरको आरोहण गुरुकुलमा प्रत्येक महिना हुने ‘काव्यारोहण’ को चैत महिनाको श्रृङ्खलामा कवि मनप्रसाद सुब्बाले कविता वाचन गर्ने भएका छन् ।
भारत सिलगुढीका सुब्बा पाँच दशकदेखि कविता लेखनमा सक्रिय छन् । भारतमा बसेर पनि नेपाली साहित्यमा अनवरत सिर्जनारत सुब्बाले भारतीय अकादमी पुरस्कार पाएका छन् । उनका आधा दर्जन कविता संग्रह प्रकाशित छन् ।
‘काव्यारोहण’ प्रत्येक महिना एकजना कविको एकल कविता वाचन गर्ने कार्यक्रम हो । विराटनगर महानगरपालिकाको प्रवर्द्धनमा हुने कार्यक्रम चैत १ गते हुँदैछ ।
