१२ चैत, काठमाडौं । महानगरीय प्रहरी वृत्त, बानेश्वरले बागमती करिडोरबाट भन्सार छली गरेर ल्याइएको करिब २५ लाख रुपैयाँ बराबरको कपडा बरामद गरेको छ ।
बागमती करिडोरबाट यूपी–३२–डीएक्स ९३४७ नम्बरको भारतीय ट्रकसहित चालक भारत, समस्तिपुरका मोहमद अक्तरलाई प्रहरीले पक्राउ गरेको छ ।
बानेश्वर प्रहरीका डीएसपी दुर्गाराज रेग्मीका अनुसार विशेष सुराकीका आधारमा नियन्त्रणमा लिएर गाडी खनतलासी गर्दा अवैध सामान बरामद भएको थियो । बरामद गाडी र सामग्रीलाई सिनामंगलस्थित भन्सार कार्यालय बुझाउने तयारी भइरहेको छ ।
