१५ चैत, काठमाडौं । कोरोना भाइरसको संक्रमण परीक्षण गर्न पश्चिममा विभिन्न जिल्लाबाट संकलित नमुना (स्वाब) लिन नेपाल एयरलाइन्सको विमान उपयोग गरिएको छ ।
नेपाल एयरलाइन्सको विमानले नमुना ओसारपसार गर्न दिनमा एकपटक नेपालगञ्जबाट काठमाडौंसम्म उडान गर्न थालेको छ ।आन्तरिक हवाई उडान ठप्प भएपछि केही दिनदेखि स्वाबको नमुना ल्याउन समस्या थियो ।
सुदूर तथा मध्यपश्चिम भेगमा संकलन भएका कोरोनाका शंकास्पद बिरामीको नमुना ल्याउन शनिबार नेपाल एयरलाइन्सको जहाज नेपालगञ्ज जाँदैछ । नेपाल एयरलाइन्सको वाइ १२ ई जहाज नेपालगञ्ज जान लागेको त्रिभुवन विमानस्थलले जनाएको छ ।