डीडीसीको दुध पाइएन ? अब सिधै फोन गर्नुस्

१७ चैत, काठमाडौं । सरकारी स्वामित्वको दुग्ध विकास संस्थान (डीडीसी) ले लकडाउनको अवधिमा पनि दुग्ध पदार्थ आपूर्ति सहज बनाइएको दाबी गरेको छ । कुनै कारणबस उपत्यकाका उपभोक्ताले दुग्ध पदार्थ नपाए सम्पर्क गर्न आग्रह गर्दै संस्थानले सम्पर्क व्यक्तिको फोन नम्बर पनि सार्वजनिक गरेको हो ।

प्रतिकूलता रहेपनि श्रोत साधनहरुको अधिकतम परिचालन गर्दै स्थानीय कृषकहरुबाट उत्पादित दुध खरिद गरिएको र प्रशोधन गरिएको दुग्ध पदार्थ पनि नियमित रुपमा बजारमा पुर्‍याइएको संस्थानले जनाएको छ ।

आफ्नो उत्पादन दही, घ्यु, पनीर, चिज तथा बटर जस्ता दुग्ध पदार्थहको उपलब्धतामा कुनै कसर बाँकी नराखिएको संस्थानद्वारा जारी विज्ञप्तीमा भनिएकोछ ।

बजार आपूर्ति सहज बनाउन संस्थानले काठमाडौं उपत्यकामा रिङरोडको भित्री बजार र बाहिर ४१ वटा सवारी साधनले दुग्ध पदार्थ ढुवानी गरिरहेको संस्थानले जनाएको छ ।

कीर्तिपुर हुँदै पाङ्गा, सैबुदेखि भैसेपाटी र बुङमतीसम्म, ललितपुरको सातदोबाटो, सुनाकोटी, हरिसिद्धि, ठैब, सानागाउँ, लुभु, कौशलटार र बालकोट, सूर्यविनायक, जगाती, र जोरपाटीदेखि मूलपानी हुँदै आरुवारीसम्म तथा महाराजगञ्जदेखि बुढानीलकण्ठ र बालाजुदेखि फुटुङ्गसम्मको बजारमा डीडीसीबाट दैनिक ४१ वटा ढुवानी गाडीहरुको परिचालन गरी दुधको आपूर्ति व्यवस्था मिलाइएको संस्थानले उल्लेख गरेको छ ।

यस्तै, शहरका ठूला सुपर मार्केट भाटभटेनी, बिगमार्ट, सेलवेज सहितका मार्टहरुमा पनि डीडीसीको उत्पादन आपूर्ति गरिएको संस्थानले जनाएको छ । उपत्यकाको बजारमा दैनिक ७३ हजार लिटर दुध आपूर्ति भइरहेको र दुधको अभाव भएमा सम्पर्क गर्न पनि संस्थानले भनेको छ ।

सम्पर्क व्यक्ति तथा नम्बर

डिष्ट्रिब्युसन एरिया	सम्पर्क	मोबाइल नं
भित्री रिङ्ग रोड बजार	दीपबहादुर खड्का	९८५१०७६७०९
बाहिरी रिङ्ग रोड बजार	गोकुल फुयाँल	९८५१०७४९०७
ललितपुरको पुल्चोक, जावलाखेल, लगनखेल, ग्वार्को, सातदोबाटो, खुमलटार, सानेपा, कुपण्डोल, भैंसेपाटी र हात्तीवन क्षेत्र	उद्धव थपलिया	९८४१५५१२९१
वनस्थली, ठमेल, बालाजु, नेपालटार, लाजिमपाट, स्रोहखुट्टे र ठमेल क्षेत्र	जीवन श्रेष्ठ	९८५१०६७३५८
बालुवाटार, मैतिदेवी, बागवजार, पुतलीसडकदेखि भक्तपुर बजार पूरै	सकुल सापकोटा	९८५११४७७६७
नेपाली सेनालाई होल मिल्क पाउडर आपूर्तिको लागि	अञ्जन अधिकारी	९८५११४३९८२
काठमाडौं दुग्ध वितरण आयोजना बालाजु सम्पर्कः	सानुभाइ थापा चूडामणि आचार्यः	९८४१५१२३७१ ९८०८९३७९७९
दुग्ध पदार्थ बिक्री वितरण आयोजना लैनचौर सम्पर्क	नारायण ढुङ्गाना तुलसी काफ्ले	९८४१८४३०११ ९८४१९०५५२०
केन्द्रीय कार्यालय	सञ्जिव झा	९८५११७४४३६