२१ चैत, काठमाडौं । प्रिन्स दाहाल अहिले नेपाली ब्याडमिन्टनमा युवा स्टारको रुपमा चिनिन्छन् । विभिन्न देशमा गएर जुनियर लेभलको सिरिज खेलिसकेका उनले सफलता समेत हात पारिसकेका छन् ।
प्रिन्स अहिले विश्व ब्याडि्मन्टनको जुनियर वरियतातर्फ सातौं स्थानमा छन् । जुन नेपाली खेलाडीले अहिलेसम्म प्राप्त गरेको ठूलो उपलब्धि हो । प्रिन्सले दुई पटक दुबई जुनियर इन्टरनेशनल सिरिज जितिसकेका छन् । केही समयअघि मात्र उनले युरोपमा नेदरल्याण्ड्स । जर्मनीमा गएर सिरिज खेलेर आएका थिए ।
कोरोना भाइरस महामारीको कारण अहिले खेलकुद गतिविधि ठप्प हुँदा अन्य खेलाडी जस्तै उनी पनि घरमै बस्न बाध्य छन् । नेपाल सरकाले घोषणा गरेको लकडाउनका कारण अहिले सबै घरभित्रै छन् । यस अवधिमा कोही पनि घरबाट बाहिर निस्कन मिल्दैन । सबैको लागि यो एकदमै नौलो अनुभव हो । झन् मैदानमा खेलिरहने, हिँडडुल गर्ने, तालिम गर्ने खेलाडीहरुको लागि त अझै नयाँ हो ।
सधैं खेल्ने खेलाडीलाई घरमै मात्र बस्दा कस्तो अनुभव होला ? घरमै बस्दा अल्छी लाग्ने छटपटी हुने र के गर्ने कसो गर्ने हुने प्रिन्सले बताए ।
यद्यपि पछि खेलमा फर्किँदा आफ्नो फिटनेसलाई खस्किन नदिन उनी दैनिक बिहान र बेलुका घरमै एक्लै भए पनि अभ्यास गरिरहेका हुन्छन् ।
खेलबाहेक उनलाई कुकुर असाध्यै मन पर्छ । त्यसैले केही समय कुकुरसँग पनि बिताउँछन् ।
युथ ओलम्पिक्स खेल्ने र त्यसमा पदक जित्ने लक्ष्य बनाएका १६ वर्षीय प्रिन्स हाल ललितपुरस्थित डाँफे बोर्डिङ स्कुलमा कक्षा ९ मा अध्ययनत छन् । सानो उमेरमै ठूलो सफलता हात पारिसकेका प्रिन्स लेफ्टी हुन् ।
उनै प्रिन्ससँग लकडाउन डायरी, मन पर्ने विभिन्न विषयहरुमा आधारित रहेर गरिएको कुराकानी :
लकडानउमा के-के गरिरहनुभएको छ ?
बिहान ढिलो उठ्छु । २ घण्टा फिजिकल एक्सरसाइज गर्छ । एक छिन कुकुरसँग खेल्छु । अनि आराम गर्छु । बेलुका २ घण्टा त्यही दोहोर्याउँछु ।
कोरोनाबाट बच्न के-के गरिरहनुभएको छ ?
नियमित हात धुने गर्छु । अनि घरमै बसिरहेको छु ।
खेल्न नपाउँदा के भइरहेको छ ?
अली छटपटी भएको छ ।
धेरै फुर्सद हुँदा कस्तो हुने रहेछ ?
अल्ली दिक्क लाग्ने रहेछ । के गर्ने कसो गर्ने हुने रहेछ ।
घरबाट बाहिर निस्कन नपाउँदा के लाग्छ ?
अल्छी अल्छी लाग्छ ।
मन पर्ने खेलाडी नेपाली ?
रत्नजित तामाङ दाइ, दिपेश धामी दाइ -ब्याडमिन्टन), मनिस डंगोल दाइ, म्याक्स बस्नेत दाइ -बक्सिङ)
मन पर्ने विदेशी खेलाडी ?
लिन डान, ब्याडमिन्टन
आफ्नो खेल बाहिरको मन पर्ने खेल र खेलाडी ?
प्रायः सबै खेल मनपर्छ । फुटबल बढी मन पर्छ । मेसी र रोनाल्डो मन पर्ने खेलाडी ।
टिमको सबैभन्दा नजिकको खेलाडी ?
प्रफुल महर्जन ।
खेलाडी नभएको भए के हुन्थ्यो ?
के हुन्थें त्यो सोचेको छैन ।
अहिलेसम्मको सम्झन लायक क्षण ?
दुबईमा जुनियर इन्टरनेशनल सिरिज २०१९ मा स्वर्ण जित्दा ।
सबैभन्दा मिल्ने खेलाडी ?
सबैसँग मिल्छु ।
कोही खेलाडीसँग खेल्न मन लागेको तर नपाएको ?
लिन डान ।
मन पर्ने गायक ?
मरुन ५ ।
मन पर्ने गीत ?
मरुन ५ को मेमोरिज ।
मन पर्ने नायक ?
ड्वाने जोनसन (द रक), राजेश हमाल ।
मन पर्ने मुभी ?
मनी हेइस्ट (सिरिज) ।
कुन मोबाइल चलाइरहनुभएको छ ?
आइफोन १० ।
अहिले कुन साधन चढ्नु हुन्छ ?
बाइक र साइकल ।
कुन भिडियो गेम खल्नुहुन्छ ?
अहिले कुनै खेल्दिनँ ।
जान्नुपर्ने, तर नजानेको कुरा ?
स्पिच दिन ।
तत्कालै सिक्न मन लागेको कुरा ?
गिटार ।
तपाईंलाई किन्न मन लागेको वा चढ्न मन लागेको साधन ?
सिबिर बाइक ।
तपाईंसँग भएको कुनै महँगो सामान ?
त्यही एउटा आइफोन ।
अहिलेसम्म पाउनुभएको महंगो गिफ्ट, कोबाट पाएको ?
दिदीबाट पाएको आइफोन- १० ।
