२२ चैत, रौतहट । रौतहटका स्थानीय तहले निर्माण गरेको क्वारेन्टाइनमा बस्नेको संख्या १८५ पुगेको छ ।
वैदेशिक रोजगारीबाट फर्केकाहरू जिल्लाका विभिन्न स्थानमा निर्माण गरिएका २१ वटा क्वारेन्टाइनमा बसेका हुन् ।
कोविड–१९ संक्रमित फेला परेको खण्डमा २५ वटा आइसोलेसन बेडसमेत गरिएको रौतहटका प्रमुख जिल्ला अधिकारी वासुदेव घिमिरेलेले जानकारी दिए ।
‘क्वारेन्टाइनमा बसेकामध्ये ५ जनालाई घर फिर्ता पठाइएको छ,’ प्रजिअ घिमिरेले भने, ‘१२ महिला र १७३ पुरुष क्वारेन्टाइनमा छन् ।’