Comments Add Comment

हेलिकप्टरबाट सुत्केरी महिलाको उद्धार

२२ वैशाख, कैलाली । कैलालीबाट एक जना सुत्केरीको हेलिकप्टरमार्फत उद्धार गरिएको छ । बझाङको केदारस्यु गाउँपालिकाकी ३३ वर्षीया जानकी देवी रावललाई कैलालीबाट हेलिकप्टरमार्फत उद्धार गरी काठमाडौं पठाइएको हो ।

उनी ११ दिन पहिले सुत्केरी भएकी थिइन् । पेट सुनिने समस्या देखा परेपछि उपचारका लागि उनलाई डडेल्धुरा अस्पताल ल्याइएको थियो ।

डडेल्धुरा अस्पतालले थप उपचारका लागि उनलाई सेती प्रादेशिक अस्पताल धनगढी रिफर गरेको थियो ।

सेती अस्पतालमा पनि उपचार सम्भव नभएपछि उनको उद्धार गरी काठमाडौ लगिएको सामाजिक विकास मन्त्रीका स्वकीय सचिव लोकेन्द्र धामीले जानकारी दिए ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment