३ जेठ, कैलाली । लागू औषध ब्राउन सुगरसहित कैलालीमा २ जना पक्राउ परेका छन् ।
सामुदायिक सेवा केन्द्र धनगढीका प्रहरी सहायक निरीक्षक भानबहादुर चन्दको टोलीले शनिबार धनगढी उपमहानगरपालिका–६ बिजुलियाका सुरज चौधरी र ११ का अर्जनु चौधरीलाई पक्राउ गरेको हो ।
घरमा लागूऔषध कारोबार भइरहेको भन्ने सूचनाको आधारमा उनीहरुको घर खानतलास गर्दा लुकाएर राखेको ब्राउन सुगर फेला परेको जिल्ला प्रहरी कार्यालय कैलालीले जनाएको छ ।
पक्राउ परेकाहरुमाथि थप अनुसन्धान गरिरहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्षकुमार बस्नेतले जानकारी दिए ।