९ जेठ, चितवन । भारतबाट आएका तीन जनालाई चितवनमा गरिएको कोरोना परीक्षणमा संक्रमण पुष्टि भएको छ । तीन जनामध्ये दुई जना चितवनका हुन् भने एक जना नवलपरासीका हुन् । भरतपुर महानगरपालिका वडा नं. ६ केशरवागका दुई वृद्ध दम्पतीलाई कोरोना संक्रमण पुष्टि भएको छ ।
उनीहरू चितवनबाट भारत गई क्यान्सरको उपचार गराएर जेठ १ गते फर्किएका थिए । कोरोना संक्रमण भएका पुरुष ७४ वर्षका छन् भने महिला ७३ वर्षकी छन् । उनीहरूसँगै भारत गएका छोरामा भने कोरोना संक्रमण देखिएको छैन ।
उनीहरू दुई साताअघि भारतबाट आएको खुलेको छ । उनीहरूलाई भरतपुर कोरोना अस्पतालमा राखिएको छ। उनीहरूको अवस्था उमेरअनुसार सामान्य नै रहेको अस्पतालले जनाएको छ ।
यस्तै नवलपरासीको विनय त्रिवेणी गाउँपालिका वडा नं. ६ का एक ४३ वर्षका पुरुषमा पनि कोरोना संक्रमण पुष्टि भएको छ । उनको अवस्था पनि सामान्य छ। उनी भारतबाट नेपाल आएका थिए ।
भरतपुर कोरोना प्रयोगशालामा बिहीबार गरिएको एक सय ३१ परीक्षणमध्ये तीन जनालाई कोरोना संक्रमण पुष्टि भएको छ । चितवनमा अहिलेसम्म गरिएका परीक्षणमा छ जनामा कोरोना संक्रमण देखिएको छ । यीमध्ये चार जना चितवनका हुन् भने दुई जना नवलपरासीका हुन्। चितवनमा संक्रमित दुई आमा छोरा निको भएर घर फर्किसकेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4