१२ जेठ, जनकपुरधाम । जनकपुरधामस्थित कोरोना विशेष अस्पतालको आइसोलेसनबाट फरार भएका संक्रमित फेला परेका छन् ।
आइतबार आइसोलेसन कक्षबाट भागेका सर्लाहीको हरिपूर्वा नगरपालिका– ३ धनकौलका ४५ बर्षीय पुरुष सोमबार घर नजिकै फेला परेका हुन् ।
उनलाई अब कहाँ राख्ने भन्ने विषयमा अन्योल भएको छ । सर्लाहीका प्रमुख जिल्ला अधिकारी मोहनबहादुर जिसीले उनलाई जनकपुर नै पठाउन लागिएको बताए । ‘जनकपुरमा भर्ना भएका मान्छेलाई त्यहीं पठाउन लागेका छौं’ उनले भने ।
धनुषाका प्रमुख जिल्ला अधिकारी कोषहरि निरौलाले जनकपुरको आइसोलेसन बेड भरिसकेकाले उनलाई सर्लाहीतिरै राख्नुपर्ने बताएका छन् ।