१५ जेठ, जनकपुरधाम । सर्लाहीमा बिहीबार फेला परेका सात जना कोरोना संक्रमित सदरमुकाम मलंगवाकै भएको खुलेको छ ।
एक साताअघि उनीहरु भारतबाट आएर क्वारेन्टाइनमा बसेका थिए । मलगंवा नगरपालिका वडा नम्बर ३, ६, ९ र ११ का ७ जना संक्रमित पाइएको प्रमुख जिल्ला अधिकारी मोहनबहादुर जिसीले जानकारी दिए ।
उनका अनुसार १७, १८, २१, २६, ३१ र ३० बर्षका २ जना पुरुष संक्रमित देखिएका छन् ।
उनीहरुलाई मलंगवास्थित अल्पमाई रामनारायण यादव नर्सिङ कलेजको आइसोलेसन कक्षमा ल्याउने तयारी भइरहेको उनले बताए । यो ७ जनासँगै सर्लाहीमा कोरोना संक्रमितको संख्या ४१ पुगेको छ ।
