१७ जेठ, सुर्खेत । कालीकोटमा पहिलोपटक कोरोना भाइरस (कोभिड-१९) को संक्रमण पुष्टि भएको छ । कर्णाली स्वास्थ्य विज्ञान प्रतिष्ठान जुम्लामा शनिबार गरिएको परीक्षणमा १९ जनामा संक्रमण पुष्टि भएको हो ।
संक्रमण पुष्टि भएकामध्ये कालीकोटका १७ जना छन् भने दैलेखको दुल्लुका एक र बाजुराका एकजना रहेका सामाजिक विकास मन्त्रालयको स्वास्थ्य महाशाखाका प्रमुख डा. लक्ष्मीनारायण तिवारीले जानकारी दिए ।
शनिबार मात्रै ल्याबमा एक सय ५९ नमुनाको परीक्षण गरिएको र त्यसमध्ये १९ जनामा (कोभिड-१९) पोजिटिभ पुष्टि भएको डा. तिवारीले बताए । उनीहरू सबै भारतबाट आएर क्वारेन्टाइनमा बसेकाहरू हुन् ।
योसँगै कर्णालीमा संक्रमितको संख्या ७७ पुगेको छ । उनीहरूमध्ये एक जनाको क्वारेन्टिनमै मृत्यु भएको छ ।
