२८ जेठ, काठमाडौं । अमेरिकाका कोरोना भाइरस (कोभिड-१९) विशेषज्ञ तथा ह्वाइट हाउसका सल्लाहकार डाक्टर एन्थोनी फाउचीले अझै कोरोना भाइरसको महामारी नसकिएको भन्दै चेतावनी दिएका छन् ।
उनले मंगलबार एक कन्फ्रेन्समा बोल्दै यो संकटलाई ‘सबैभन्दा नराम्रो सपना’ रहेको बताएका छन् । कोरोना भाइरसले चार महिनामा नै विश्वलाई तहसनहस पारिदिएको उल्लेख गरेका छन् । यति छोटो अवधिमा विश्वका लाखौं मानिस संक्रमित भएको उल्लेख गरे ।
फाउचीले विश्वभर यो भाइरसको महामारी फैलिनुको कारण रोगको संक्रमण फैलिने क्षमता र संक्रमित मानिसको विश्वभरको यात्रा मुख्य कारण रहेको बताए । उनले यसको खोप छिटै नै पत्ता लाग्ने विश्वास व्यक्त गरेका छन् । अहिलेसम्म विश्वभर कोरोना भाइरसको कारण ७० लाखभन्दा धेरै मानिस संक्रमित भइसकेका छन् भने चार लाखभन्दा धेरैको कोरोना भाइरसको कारण मृत्यु भइसकेको छ ।
स्रोत : बीबीसी
