News Summary
Generated by OK AI. Editorially reviewed.- मेटाको शेयर सोमबार ११.४ प्रतिशतले बढेर ७४१.२५ डलर पुगेपछि संस्थापक मार्क जुकरबर्गको सम्पत्ति एकै दिन करिब २५ अर्ब डलरले बढेको फोर्ब्सले जनाएको छ।
- जुकरबर्गको कुल सम्पत्ति २५३.६ अर्ब डलर पुगेको छ, जुन सोमबार बिहानको कारोबारमा १२.९ अर्ब डलरले बढेको थियो।
- मेटाको नयाँ एआई असिस्टेन्ट म्युजप्रति लगानीकर्ताको विश्वास बढेपछि वेल्स फार्गोले मेटाको शेयर लक्ष्य मूल्य ६४० बाट ७९६ डलर पुर्याएको थियो।
६ असोज, काठमाडौं। मेटाका संस्थापक मार्क जुकरबर्गको कुल सम्पत्ति एकै दिन करिब २५ अर्ब डलरले बढेको छ। सोमबार मेटाको शेयर मूल्य करिब १२ प्रतिशतले बढेपछि जुकरबर्गको कुल सम्पत्ति २५३.६ अर्ब डलर पुगेको फोर्ब्सले जनाएको छ।
मेटाको शेयरमा यो वृद्धि कम्पनीको नयाँ एआई असिस्टेन्ट म्युजप्रति लगानीकर्ताहरूको बढ्दो विश्वासका कारण आएको हो। मेटाको वार्षिक मेटा कनेक्ट सम्मेलन अगाडि वेल्स फार्गोले मेटाको शेयरको लक्ष्य मूल्य ६४० डलरबाट बढाएर ७९६ डलर पुर्याएको थियो।
मेटाको सेप्टेम्बर ८ मा सार्वजनिक गरिएको म्युज एआई एजेन्टले यात्रा बुकिङ, इमेल पठाउने, फारम भर्ने र प्रयोगकर्ताको स्वीकृतिमा खरिद गर्ने जस्ता कार्यहरू आफैँ गरिदिन सक्छ।
यो एआई असिस्टेन्ट एप्पल र गुगलको एप स्टोरमा नि:शुल्क डाउनलोड हुने एपहरूमध्येमा सबै शीर्ष स्थानमा पुगेको छ।
सोमबार मेटाको शेयर ११.४ प्रतिशतले बढेर ७४१.२५ डलरमा पुगेको थियो, जुन अप्रिल २०२५ पछिको सबैभन्दा ठूलो एकदिने वृद्धि हो। सेप्टेम्बर महिनामा मात्र मेटाको शेयर करिब ३० प्रतिशतले बढेको छ।
जुकरबर्गको सम्पत्ति सोमबार बिहान (अमेरिकी समय) को कारोबारमा सुरुमा १२.९ अर्ब डलरले बढेको थियो, तर दिउँसोसम्म शेयर थप बढेपछि एकदिने वृद्धि २५ अर्ब डलर पुगेको हो।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4