३० जेठ, काठमाडौं । विश्व हिन्दु महासंघ नेपालले नेविसंघका पूर्वउपाध्यक्ष ऋषिकेश जंग शाहलाई केन्द्रीय सदस्य तथा युवा विभाग प्रमुखमा मनोनित गरेको छ ।
विश्व हिन्दु महासंघका अध्यक्ष डा. रामचन्द्र अधिकारीले शाहलाई बिहीबार उक्त जिम्मेवारी दिएका हुन् । पोखरामा सम्पन्न सातौं राष्ट्रिय महासभाबाट निर्वाचित केन्द्रीय अध्यक्षका हैसियतले संस्थाको विधान बमोजिम शाहलाई मनोनित गरेको डा. अधिकारीले बताए ।
शाहले पूर्वीय दर्शनका मूल्य मान्यतालाई बोकेर अगाडि बढेमा नेपाललाई विकसित राष्ट्र बनाउन सकिन्छ भनेर अभियान सन्चालन गर्दै आएका छन् ।
