१५ असार, काठमाडौं । भक्तपुर प्रहरीले जडीबुटी उपनामले चिनिने ४५ वर्षीय कृष्ण तामाङको हत्यामा संलग्न रहेको आरोपमा एक जनालाई पक्राउ गरेको छ ।
महानगरीय प्रहरी परिसर भक्तपुरको टोलीले सिन्धुलीको तीनपाटन गाउँपालिका घर भई भक्तपुर नगरपालिका–४ गहिटी बस्ने ३० वर्षीय इन्द्रबहादुर तामाङलाई नियन्त्रणमा लिएको हो ।
अनुसन्धानको क्रममा तामाङले आपसी विवाद हुँदा ढुंगाले टाउकोमा प्रहार गरी कृष्णको हत्या गरेको खुल्न आएको प्रहरी नायब उपरीक्षक दीपक गिरीले बताए ।
भक्तपुर नगरपालिका–४ गहिटीस्थित सार्वजनिक पाटीमा सोमबार कृष्ण मृत अवस्थामा फेला परेको थियो ।
