२२ असार, काठमाडौं । नेपाल औषधीगत विक्री प्रबन्धक संघ (पेन) को केन्द्रीय अध्यक्षमा गान्धी प्रसाद शर्मा चयन भएका छन् । हालै भएको संघको अधिवेशनबाट शर्मा सर्वसम्मत रुपमा अध्यक्ष चयन भएका हुन् ।
अध्यक्षसहित केन्द्रीय समितिमा ५ जना चयन छएका छन् । केहि दिनभित्रै ११ सदस्यीय केन्द्रीय कार्यसमिति बनाइने नवनिर्वाचित अध्यक्ष शर्माले जानकारी दिए । शर्माले संघकोसदस्यता विस्तारलाई आफ्नो प्राथमिकतामा राख्ने बताएका छन् ।
उनले देशभरमा धेरै संघको सदस्यता लिनबाट छुटेको भन्दै अब अनलाईन प्रणालीमार्फत सदस्यता वितरणको कार्य थालनी बताए ।
नयाँ कार्य समितिले औषधी कम्पनीका प्रतिनिधी, कम्पनी र सरकार विच समन्वयात्मक भुमिका निर्वाह गर्दे सहजीकरण गर्ने वताए ।
कम्पनी र थोक विक्रेता विचको सम्बन्ध सुमधुर हुनुपर्ने आवस्यकतामा जोड दिंदै उनले प्रबन्धक, प्रतिनिधी र कम्पनी विचको तालमेल अझै प्रगाढ वनाउन भुमिका खेल्ने बताए ।
संघमा हाल देशभरका करिब २ हजार सदस्य रहेका छन् । संघले समस्यामा परेका औषधी कम्पनीका प्रतिनिधी प्रबन्धकहरुलाई सहयोगी भुमिका खेल्दै आएको छ ।
