४ साउन, काठमाडौं । पाकिस्तानमा कोरोना भाइरस (कोभिड–१९) को संक्रमण घट्न थालेको छ ।
पाकिस्तानको स्वास्थ्य मन्त्रालयका अनुसार पछिल्लो २४ घण्टामा पाकिस्तानमा कोरोना भाइरसका एक हजार ५७९ सं क्रमित फेला परेका हुन् । यो संख्या पाकिस्तानमा एक महिनाभन्दा लामो समयपछि एकदिनमा भेटिएको यो सबैभन्दा कम हो । यससँगै पाकिस्तानी अधिकारीहरुले आगामी सातादेखि लामो समयदेखि रोकिएको पोलियोविरुद्धको अभियान पुनः सञ्चालन गर्ने भएका छन् ।
पछिल्लो २४ घण्टामा पाकिस्तानमा २२ हजार ५५९ कोरोना भाइरसको परीक्षण गरिएको थियो । पाकिस्तानमा अहिलेसम्म कोरोना भाइरसबाट संक्रमित हुनेको संख्या दुई लाख ६३ हजार पुगेको छ । यसबाट मृत्यु हुनेको संख्या पनि पाँच हजार ५६८ पुगेको छ ।
सोमबारदेखि आठ लाख बालबालिकाका लागि तनिदिने पोलियो कार्यक्रम सञ्चालन हुँदैछ ।
स्रोत : अलजजिरा
