७ साउन, रौतहट । लालबकैया नदीमा आएको बाढीले बगाउँदा रौतहटको कटहरियामा एक जनाको मृत्यु भएको छ ।
कटहरिया नगरपालिका– १ भसेडवामा २५ वषैका बैजु यादवलाई खोलाले बगाएको रौतहटका प्रहरी प्रवक्ता डीएसपी भरत श्रेष्ठले बताए ।
बाढीले ल्याएको काठ दाउरा झिक्ने क्रममा उनलाई पानीले बगाएको उनले जानकारी दिए ।
मंगलबार चन्द्रपुर नगरपालिका– ३ गैडाटारमा चादी नदीले बगाएका ५८ वर्षका सुकमान थिङ्ग मृत अवश्थामा फेला परेका थिए । यो सँगै रौतहटमा बाढीका कारण मृत्यु हुनेको संख्या दुई पुगेको डीएसपी श्रेष्ठले बताए ।