Comments Add Comment

एसिड आक्रमणमा परेकी कार्कीको उच्च शिक्षाको जिम्मा नेविसंघले लिने

१५ साउन, काठमाडौं । एसिड आक्रमणमा परेकी २२ वर्षीया युवती पवित्रा कार्कीको उच्च शिक्षाको जिम्मेवारी नेविसंघले लिने भएको छ ।

कीर्तिपुर अस्पतालमा कार्कीलाई भेट्न पुगेका नेविसंघ अध्यक्ष राजीव ढुंगाना, महामन्त्री उर्मिला थपलिया, बलदेव तिमल्सेना, तुलसा पन्त लगायतले पवित्राको उच्च शिक्षाको जिम्मेवारी नेविसंघले लिने घोषणा गरेका हुन् ।

‘यो मानवताविरोधी अपराध हो, सरकारले यो कुरामा त्यत्ति ध्यान दिएको जस्तो लाग्दैन’, महामन्त्री थपलियाले भनिन्, ‘छोरीहरु समाजमा सुरक्षित भएर बाँच्न पाउनुपर्छ, त्यसका लागि नेविसंघले आवाज उठाइरहनेछ । कार्कीको उच्च शिक्षाको जिम्मेवारी पनि हामी लिन्छौं ।’

मानवताविरोधी अपराधविरुद्धको लडाइँमा कार्की एक्लै नरहेको भन्ने प्रत्याभूति दिलाउने उद्देश्यले नेविसंघले उच्च शिक्षाको जिम्मा लिएको उनको भनाइ छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment