१७ साउन, इनरुवा । सुनसरीको बराहाक्षेत्र नगरपालिका-१ कोशीगढमा शनिबार डुङ्गा (नाउ) दुर्घटना हुँदा एक जनाको मृत्यु भएको छ । दुईको भने उद्दार गरिएको छ ।
मृत्यु हुनेमा भोजपुर आपचोक गाउँपालिका-८ का २० वर्षीय राजकुमार राई रहेको इलाका प्रहरी कार्यालय बराह क्षेत्रले जनाएको छ ।दुर्घटनामा परेका भोजपुर आपचोक गाउँपालिका-८ का शङकर राई र अजय राईको उद्दार गरिएको र उनीहरुको उपचार भइरहेको प्रहरीले जनाएको छ ।
बराह क्षेत्रबाट उदयपुर हँदै भोजपुर जाने क्रममा डुङ्गा दुर्घटना भएको इलाका प्रहरी कार्यालय बराह क्षेत्रका प्रहरी निरीक्षक पाण्डव राजवंशीले बताए ।
