बैंकहरुले कमाए ५४ अर्ब, एक वर्षमा ८६८ करोडले घट्यो नाफा

१ भदौ, काठमाडौं । कोरोना भाइरस (कोभिड–१९) को असरका कारण बैंकिङ क्षेत्रको नाफा खुम्चिएको छ । मुलुकमा सञ्चालित २७ वाणिज्य बैंकहरुमध्ये अधिकांशको नाफा घटेको छ । नेपाल बैंकर्स संघका अध्यक्ष भुवन दाहालले वाणिज्य बैंकहरुको नाफामा ८ अर्ब ६८ करोड ४९ लाख एक हजार रुपैयाँ कमी भएको जानकारी दिए ।

गत आर्थिक वर्ष २०७६/७७ मा २७ वाणिज्य बैंकहरुले ५४ अर्ब ३१ करोड ६ हजार ९८ रुपैयाँ कमाएका छन् । अघिल्लो आर्थिक वर्ष २०७५/७६ मा वाणिज्य बैंकहरुले ६३ अर्ब रुपैयाँ ९ सय ९९ रुपैयाँ खुद मुनाफा आर्जन गरेका थिए । एक वर्षको अवधिमा बैंकहरुको मुनाफामा ८ अर्ब ६८ करोड ४९ लाख एक हजार रुपैयाँले कमी आएको हो ।

धेरै नाफा कमाउने बैंकमा पूर्ण सरकारी स्वामित्वको राष्ट्रिय वाणिज्य बैंक नै पहिलो नम्बरमा देखिएको छ । यस बैंक गत आर्थिक वर्ष ४ अर्ब ४५ करोड २५ लाख ३३ हजार ७ सय १७ रुपैयाँ कमाएर नाफाका आधारमा पहिलो बैंक बन्न सफल भएको हो ।

यद्यपि, राष्ट्रिय वाणिज्य बैंकको नाफामा अघिल्लो वर्षको तुलनामा गिरावट आएको छ । अघिल्लो आर्थिक वर्षै यो बैंकले ५ अर्ब ४ करोड ६५ लाख २० हजार ३ सय ७८ रुपैयाँ खुद नाफा आर्जन गरेको थियो ।

दोस्रोमा भने नविल बैंक देखिएको छ । नविलले पनि नाफा बढाउन सकेन । अघिल्लो आर्थिक वर्ष ४ अर्ब २३ करोड ८८ लाख ५४ हजार रुपैयाँ कमाएको यो बैंकले गत आर्थिक वर्ष ३ अर्ब ५६ करोड ६६ लाख ७३ हजार रुपैयाँ मूनाफा आर्जन गरेको छ ।

हेनुस् कुन बैंकले कति कमाए ?