विश्वभर ४६ करोड ३० लाख बालबालिका अनलाइन कक्षाबाट बञ्चित : राष्ट्रसंघ

११ भदौ, काठमाडौं । संयुक्त राष्ट्रसंघको बालबालिका कोषले विश्वभर ४६ करोड ३० लाख बालबालिकालाई भर्चुअल कक्षाको पहुँच नपुगेको बताएको छ ।

कोरोना भाइरसको महामारीको कारण अहिले विश्वभरका धेरै विद्यालयहरु अहिले बन्द छन् । यस्तो अवस्थामा बालबालिकाहरुलाई आवश्यक उपकरणको अभाव, इन्टरनेटको अभावमा धेरै बालबालिकाहरुले अनलाइन कक्षामा सहभागी हुन नसकेको राष्ट्रसंघले बताएको छ ।

राष्ट्रसंघले एक सय मुलुकहरुको तथ्यांकको आधारमा दक्षिण एसिया, अफ्रिका र प्यासिफिक र पूर्वी एसियाका बालबालिकाहरु गम्भीररुपमा प्रभावित बनेको पाइएको हो ।

अहिले पनि विश्वभर कोरोना भाइरसको संक्रमण बढ्दे क्रममा रहेकाले अझै पनि विद्यालयहरु कहिले खुल्ने हुन् भन्ने टुङ्गो लाग्न सकेको छैन । यस्तोमा विश्वभरका धेरै बालबालिकाको पढाइप्रति आशंका उब्जिएको छ ।

स्रोत :अलजाजिरा