१४ भदौं, काठमाडौं । नेपाली सेनाका एकजना जवानले आत्महत्या गरेका छन् ।
तनहुँको रानी पोखरी घर भई जंगी अड्डामा कार्यरत जवानले आफैंले बोकेको हतियारले हानी आइतबार बिहान आत्महत्या गरेको जनसम्पर्क तथा सूचना निर्देशनालयले जनाएको छ।
नेपाली सेनाको भद्रकालीस्थित रिपुमर्दिनी पेट्रोल पम्पमा ड्युटी रहेका उनले आत्महत्या गरेका हुन् ।
मुचुल्का तयार गरी जवानको शव पोष्टमार्टमका लागि त्रिभुवन विश्वविद्यालय शिक्षण अस्पताल पठाइएको छ । जंगी अड्डाले घटनाबारे जवानको परिवारलाई जानकारी गराइसकेको छ ।
घटनासम्बन्धी आवश्यक अनुसन्धान सुरु गरिएको सूचना निर्देशनालयले जानकारी दिएको छ ।
