१५ भदौ, काठमाडौं । मेक्सिकोमा कोरोना भाइरस (कोभिड–१९) बाट मृत्यु हुनेको संख्या ६४ हजार नाघेको छ ।
मेक्सिकोको स्वास्थ्य मन्त्रालयका अनुसार अहिलेसम्म मेक्सिकोमा कोरोना भाइरसको कारण मृत्यु हुनेको संख्या ६४ हजार १५८ पुगेको हो ।
पछिल्लो २४ घण्टामा मात्र मेक्सिकोमा कोरोना भाइरसको कारण ३३९ जनाको मृत्यु भएको छ ।
अहिलेसम्म मेक्सिकोमा कोरोना भाइरसको कारण संक्रमित हुनेको संख्या पनि पाँच लाख ९५ हजार ८४१ पुगेको छ । पछिल्लो २४ घण्टामा मात्र मेक्सिकोमा कोरोना भाइरसका चार हजार १२९ नयाँ संक्रमित थपिएका हुन् ।
मेक्सिकोमा पछिल्लो समय कोरोना भाइरसका नयाँ संक्रमित तथा मृत्यु हुनेको संख्यामा कमी आएको छ । यद्यपि सरकारले कोरोना भाइरसका संक्रमितको वास्तविक संख्या आधिकारिक तथ्यांकभन्दा बढी हुन सक्ने बताएको छ ।
स्रोत : अलजाजिरा
