१६ भदौं, वीरगञ्ज । वीरगञ्जमा गरिएको परीक्षणमा ११० जनामा कोरोना संक्रमण पुष्टि भएको छ । पर्साका ६९ जना, बाराका २४ जना र रौतहटका १७ जनामा संक्रमण पुष्टि भएको हो ।
नारायणी अस्पताल स्थित पीसीआर ल्याबमा गरिएको परीक्षणका क्रममा उनीहरुमा कोरोना संक्रमण पुष्टि भएको अस्पतालले जनाएको छ ।
५ सय ७६ जनाको स्वाब नमुना परीक्षण गर्दा ११० जनामा संक्रमण पुष्टि भएको नारायणी अस्पतालका प्रवक्ता बरिष्ठ चर्मरोग विशेषज्ञ डाक्टर अतुलेश चौरसियाले जनाए । डेढ वर्षीय बालकदेखि ८० वर्षीय वृद्धसम्मका संक्रमितमध्ये ३० जना महिला छन् ।
प्रवक्ता डा. चौरसियाका अनुसार पर्सामा वीरगञ्ज महानगरपालिकाका विभिन्न वडामा ४९ जना, बहुदरमाई नगरपालिकाको ४ र ५ मा ५ जना, कालिकामाई गाउँपलिका- २ मा ४ जना, पर्सागढी नगरपालिका- ४ र ८ मा ७ जना, पोखरिया नगरपालिका-४ र १० मा ४ जना, पर्सागढी नगरपालिकाको वडा नं. ४, ८ का ७ जना र कालिकामाई गाउँपालिकाको वडा नं. २ का ४ जनामा संक्रमण देखिएको छ ।
वीरगञ्जका संक्रमितमध्ये वडा नं ४, १२ र १८ मा १/१ जना, वडा नं २, १५, १६ र १७ मा २/२ जना, वडा नं १० र ३१ मा ३/३ जना, वडा नं ११, १३ र २१ मा ४/४ जना, वडा नं ८ मा ७ जनामा संक्रमण पुष्टि भएको छ । संक्रमितमध्ये १३ जनाको वडा खुलेको छैन ।
बाराको कलैया उपमहानगरपालिकामा २४ जना र रौतहटको यमुनमाई गाउँपालिकामा १७ जना संक्रमित भेटिएका हुन् ।
