काठमाडौं । प्रगतिशील लेखक संघ (प्रलेस) नेपालले वि.सं. २०७७ को प्रलेस प्रतिभा पुरस्कार प्रगतिवादी साहित्यकार वासुदेव अधिकारीलाई प्रदान गर्ने निर्णय गरेको छ ।
साहित्यिक पत्रकारका रूपमा समेत सुपरिचित अधिकारीका ‘समयका स्वरहरू’, ‘मनको हरियो मनको गीत’, ‘आफन्तलाई सम्बोधन’, ‘युरोस्पर्श ’, च्यातिएको शब्दकोश, ‘गायब सभामुख’, ‘बस्तीमा आगो’ नामक कविता, गीत र गजल संग्र्रहलगायत विभिन्न फुटकर रचनाहरू प्रकाशित छन् ।
प्रलेसले उक्त पुरस्कारका लागि नाम सिफारिस गर्न उपाध्यक्ष सुशीला प्रधानाङ्गको संयोजकत्वमा एक समिति गठन गरेको थियो ।
प्रलेसको ६९ औँ स्थापना दिवस आगामी असोज ५ गते मनाइँदै छ । उक्त कार्यक्रम भर्चुअल माध्यमबाट सम्पन्न गरिने प्रलेसका केन्द्रीय अध्यक्ष प्रा.डा. जीवेन्द्र देव गिरीले जानकारी दिए ।
