२९ भदौ, विराटनगर । विराटनगर महानगरपालिकाका मेयर भीम पराजुली सेल्फ क्वारेन्टिनमा बसेका छन् ।
विराटनगरका प्रमुख प्रशासकीय अधिकृत इन्द्रमणि पोखरेल र मेयर पराजुलीका सवारी चालकलाई संक्रमण पुष्टि भएपछि उनी क्वारेन्टिन बसेका हुन ।
प्रमुख प्रशासकीय अधिकृत पोखरेललाई आइतबार र मेयर पराजुलीका सवारी चालकलाई सोमबार बिहान कोरोना संक्रमण पुष्टि भएको थियो । संक्रमितको क्लोज कन्ट्याक्टमा परेका कारण जैन भवन क्वारेन्टिनमा बसेको मेयर पराजुलीले बताए ।
समुदाय स्तरमा संक्रमण देखिएको विराटनगरमा एक हजार ४८६ जनालाई कोरोना संक्रमण देखिएको छ । तीमध्ये ५५७ जना संक्रमण मुक्त भएका छन् । संक्रमणका कारण १८ जनाको मृत्यु भइसकेको छ ।
