७ कात्तिक, बुटवल । रुपन्देहीको लुम्बिनी साँस्कृतिक नगरपालिकामा मोटरसाइकल दुर्घटना हुँदा चालकको मृत्यु भएको छ । एक जना गम्भीर घाइते भएका छन् ।
लुम्बिनी–कालीदह सडकखण्डको मुहवारी पुल नजिक भएको दुर्घटनामा लुम्बिनी साँस्कृतिक नगरपालिका वडा नं. ३ पडरियाका २५ वर्षीय हुसेन मोहम्मद मुसलमानको मृत्यु भएको हो ।
लु. ३७ प. १८३१ नं. को मोटरसाइकल अनियन्त्रित भई पुलको रेलिङ्गमा ठोक्किँदा गम्भीर घाइते भएका मोटरसाइकल चालक मुसलमानलाई भीम अस्पताल भैरहवा पु¥याइए पनि अस्पतालले मृत घोषणा गरेको थियो ।
लुम्बिनी प्रदेश ट्राफिक प्रहरी कार्यालय बुटवलका अनुसार मोटरसाइकलमा सवार पडरियाकै २० वर्षीय मसुद अहमद मुसलमान गम्भीर घाइते भएका छन् । उनलाई उपचारका लागि भारत लगिएको छ ।
