७ कात्तिक, काठमाडौं । अमेरिकी राष्ट्रपति डोनाल्ड ट्रम्पले भारत, चीन र रसियाको हावा प्रदुषित छ भनेपछि त्यसको तीब्र आलोचना भएको छ ।
यस सम्बन्धमा चिनियाँ विदेश मन्त्रालयमा प्रश्न सोध्ने पत्रकारलाई प्रवक्ताले हेर्नुस् आजको आकाश कति निलो छ भन्ने जवाफ दिएका थिए । ट्रम्पको अभिव्यक्तिको भारतमा समेत आलोचना भएको छ । सोसल मिडियामा यो विषयलाई उठाउन प्रधानमन्त्री नरेन्द्र मोदीलाई आग्रह गरिएको छ ।
ट्रम्पले भनेका थिए,‘ चीनमा हेर्नुस् कति प्रदूषित छ, रसियामा हेर्नुस् र भारतमा हेर्नुस् । हावा एकदमै प्रदूषित छ । हामीलाई निष्पक्ष रुपमा व्यवहार नगरिएकाले मैले जलवायु परिवर्तनसम्बन्धी पेरिस सम्झौताबाट बाहिरिएको हो ।’
तर भारतमा पछिल्लो दिनहरुमा वायु प्रदूषण बढ्दै भएको छ ।
